Konstituohet kryesia e re e Komunitetit Musliman Shqiptar në Zvicër
Konstituohet kryesia e re e Komunitetit Musliman Shqiptar në Zvicër
07.02.2022, Cyrih
Në pasditen e së dielës, më 06.02.2022, në Olten të Zvicrës, u mbajtë mbledhja e parë konstituive e kryesisë së re të Komunitetit Musliman Shqiptar në Zvicër. Në mbledhjen e udhëhequr nga kryetari i KMSHZ-së, hfz. Mehas Alija, morën pjesë anëtarët e kryesisë dhe kryetari i Kuvendit të KMSHZ-së, zt. Azir Jusufi.
Në këtë takim, pos disa temave të tjera të rëndësishme, debati u fokusua më shumë te rrumbullakësimi i procesit të brendshëm zgjedhor dhe te caktimi i posteve të anëtarëve të kryesisë, pas zgjedhjeve që ndodhën në Kuvendin e fundit, më 23 janar 2022, në Regensdorf.
Në këtë mbledhje, u bë konstituimi i posteve si në vijim:
1. Hfz. Mehas Alija – kryetar
2. Fehim ef. Abazi – nënkryetar
3. dr. Besim Nuzi – nënkryetar
4. Ismail Ademi – sekretar
5. Safije Odai – ndihmës sekretare
6. Sami Avdyli – arkëtar
7. Xheneta Ramadani – zëdhënëse
8. dr. Bashkim Aliu – këshilltar për çështje shkencore dhe teologjike
9. Mustaf Veseli – këshilltar për çështje politike dhe sociale
10. Sherif Tupani – këshilltar për mediacion shoqëror
11. Nimetulla ef. Veseli – këshilltar për çështje edukativo-arsimore
Në këtë takim u caktua edhe data e mbledhjes së radhës, në të cilën do të bisedohet më gjerësisht për strategjinë dhe prioritetet e kryesisë së KMSHZ për vitin e parë dhe atyre në vijmë, për një mandat katër vjeçar.
Me konstituimin e kryesisë, tashmë KMSHZ ka një kryesi kompetente, me profile të ndryshme profesionale, për t’i udhëhequr punët dhe çështjet e Komunitetit Musliman Shqiptar në Zvicër.
(DAIGS.ch)
Comments