Një mbrëmje e veçantë ramazani

Në fillim të javës, të hënën në mbrëmje, pati një iftar të veçantë, të organizuar nga Konsulli i Kosovës, z. Vigan Berisha dhe z. Ekrem Hasani. I ftuar në këtë ngjarje ishte edhe Kryetari i KMSHZ-së, Hfz. Mehas Alija, i shoqëruar nga nënkryetari dr. Besim Nuzi, sekretari Ismail Ademi, anëtari i kryesisë dr.Bashkim Aliu, imamët Ferit Zeqiri dhe Halil Avdulli, si dhe kryetari i xhamisë El-Hidaje Sadush Ajrullai.

Në këtë iftar morën pjesë edhe një sërë personalitetesh të të tjera të shquara nga bota e medias, shkencës, diplomacisë dhe afarizmit.

Takimi u zhvillua në ambientin mikpritës në „Da Paulo“, në Schliren, ku u mblodhën bashkë figura të rëndësishme nga fusha të ndryshme, duke përfshirë filantropin e njohur Lazim Destani, ambasadorin e Maqedonisë së Veriut, Rexhep Demirin, shefin e konsulatës së Kosovës në Cyrih, Vigan Berishën, sekretarin e parë të Ambasadës së Shqipërisë, z. Valon Gashi, përfaqësuesin e Ambasadës së Kosovës, z. Gjenis Haxhimehmeti, Dr. Dashnim Hebibi nga SAM24.INFO dhe Helveticalforum, si dhe shumë personalitete të tjera të rëndësishme.

Atmosfera e ngrohtë dhe e frymëzuar e mbrëmjes ofroi mundësinë e shkëmbimit të ideve dhe vizioneve për të ardhmen, duke theksuar rëndësinë e bashkëpunimit në komunitetin tonë. Ky ishte një takim që na kujtoi vlerat tona të përbashkëta dhe rëndësinë e përkrahjes së njëri-tjetrit në çdo aspekt të jetës.
Falënderojmë organizatorët dhe të gjithë ata që kontribuan për suksesin e kësaj mbrëmje të paharrueshme, dhe uroj që takime të tilla të vazhdojnë të forcojnë lidhjet tona të bashkëpunimit dhe miqësisë.

(KMSHZ)