Most read

Urimi me rastin e Bajramit të Fitrit

14.06.2018, e enjte

Në emrin e All-llahut, Mëshiruesit, Mëshirëplotit

Unioni i Bashkësive Islame Shqiptarë në Zvicër (UBISHZ) njofton komunitetin musliman shqiptarë që jeton dhe vepron në Zvicër se dita e parë e Fitër Bajramit është nesër, respektivisht të premten më 15.06.2018.

Të nderuar vëllezër dhe motra!

Fitër-Bajrami është një mundësi e madhe që në familjet tona të përhapim mëshirën, dashurinë, respektin dhe lumturinë. Le të jenë urimet tona gëzim i shpërndarë për njëri-tjetrin, për vëllezërit dhe motrat tona, për shokët dhe miqët tanë.

Urimin e Bajramit të Ramazanit e përcjellim, në radhë të parë te muslimanët në Zvicër, pastaj për të gjithë ata muslimanë që jetojnë dhe veprojnë në shtetet fqinje, për muslimanët tanë shqiptarë në vendlindjet tona dhe për të gjithë botën mbarë muslimane.

Allahu ynë na e mundësoftë që të jetojmë në paqe dhe dashuri! Edhe njëherë gëzimi dhe hareja qofshin me ju, me familjet dhe miqtë tuaj!

Me fat ju qoftë festa e Fitër – Bajramit!

Mehas Alija
Kryetar i UBISHZ

Comments

be the first to comment on this article

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Go to TOP